Organizuan iftar në shesh por nuk i larguan mbeturinat, Komuna e Prishtinës paralajmëron gjoba

13:52 | 17 Mars 2024
E.H

Drejtori i Shërbimeve Publike në Prishtinë, Bekim Brestovci, ka bërë të ditur se pas organizimit të iftarit mbrëmë në sheshin e Prishtinës, janë lënë të gjitha mbeturinat në hapësirat publike.

Ai ka paralajmëruar gjobë dha futje në listën e zezë për organizatorin, i cili lejen për organizimin e iftarit e kishte marr nga Komuna e Prishtinës, përcjell Arbresh.info.

Brestovci reagoi ashpër duke publikuar fotografi të mbeturinave që u lanë në sheshin “Adem Jashari” në kryeqytet.

“Ua japim lejen per ta organizu IFTARIN ne sheshin Adem Jashari dhe ja ne cfar gjendje i lane hapsirat publike, per tu bere mepastaj pastrimi i ketyre hapsirave barre e njesiteve tona per pastrim emergjent”, shkroi ai.

“Neser pason gjoba dhe futja ne listen e zeze te organizatorit”, shtoi Brestovci./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm